Axudas para facilitar a autonomía persoal

Tipo de prestación

Axudas de protección sociosanitaria

De que se trata?

As axudas teñen como finalidade contribuír a sufragar o custo dos servizos, actividades ou medios técnicos que precisen as persoas con discapacidade e/ou dependencia, nos termos establecidos para cada convocatoria.

Contía

Consta de tres modalidades:

• Axudas para mantemento e potenciación da capacidade residual: a contía mensual, en función da capacidade económica de cada persoa beneficiaria sitúase entre 348,00 euros/mes a máxima e 150,00 euros/mes a mínima.
• Axudas para eliminación de barreiras arquitectónicas, a contía anual será de 1.986,00 euros a máxima e de 331,00 euros a mínima.
• Axuda para medios técnicos, a contía anual será de 662,00 euros a máxima e de 166,00 euros a mínima.

Para estas dúas últimas modalidades, as contías anuais están fixadas, tanto en función do grao de discapacidade ou dependencia, con ou sen nivel, recoñecidos a cada beneficiario ou beneficiaria, como da súa capacidade económica, tendo como límite o gasto realizado, se o mesmo foi inferior.

Quen se pode beneficiar da axuda

Mutualistas ou persoas beneficiarias de MUFACE cuxo grao de discapacidade alcance polo menos un 33 % ou fosen valoradas en calquera dos graos de dependencia, con ou sen nivel, de acordo coa normativa sobre dependencia.

Prazo de presentación

As solicitudes presentaranse ata o 31 de decembro de 2024, inclusive.

Lugar de presentación

• A través da sede electrónica de MUFACE,  as 24 horas do día, todos os días do ano, sen ter que acudir ás nosas oficinas. Requírese un certificado electrónico válido, DNI electrónico, Cl@ve permanente ou PIN Cl@ve. Se desexa rexistrarse en Cl@ve, hai oficinas de MUFACE onde pode facelo.  Coñeza aquí cales son e. para coñecer outras formas de facelo, fai clic aquí.
• Nas nosas Oficinas de MUFACE, sempre con quenda previa, ou en calquera dos rexistros previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas. Tamén por correo postal.

 

Documentación

• Modelo de solicitude
• Declaración de rendementos
• Declaración de pensións ou prestacións
• Declaración responsable
• Impreso para cambiar a conta bancaria  

Normativa

• Art.135 do  Regulamento Xeral do Mutualismo Administrativo.
• Resolución do 21 de marzo de 2024, da Mutualidade Xeral de Funcionarios Civís do Estado, pola que se convoca a concesión de axudas de protección sociosanitaria durante o ano 2024 (BOE 4 de abril de 2024).