Axudas para a atención a persoas con enfermidade psiquiátrica crónica
Tipo de prestación
Axudas de protección sociosanitaria
De que se trata?
Axuda económica destinada tanto a mutualistas como aus seus beneficiarios e beneficiarias que padezan un proceso psiquiátrico crónico que faga necesaria a súa permanencia en ambiente controlado en hospitais, centros ou unidades psiquiátricas recoñecidas, sempre que non teñan dereito a asistencia sanitaria para esta continxencia, nin cuberta a prestación por outras vías.
Contía
A contía establécese nun máximo de 87,00 euros por día de internamento, co límite do custo abonado pola persoa interesada.
Quen se pode beneficiar da axuda
Mutualistas ou persoas beneficiarias de MUFACE.
Prazo de presentación
As solicitudes poden presentarse ata o 31 de decembro de 2024, inclusive.
.
Lugar de presentación
- A través da sede electrónica de MUFACE , as 24 horas do día, todos os días do ano, sen necesidade de acudir ás nosas oficinas. Requírese un certificado electrónico válido, DNI electrónico, Cl@ve permanente ou PIN Cl@ve. Se desexa rexistrarse en Cl@ve, hai oficinas de MUFACE nas que pode facelo. Coñeza aquí cales son , e para coñecer outros modos de facelo, entre aquí .
- Nas nosas Oficinas de MUFACE, sempre con quenda previa, ou en calquera dos rexistros previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas. Tamén por correu postal.
Documentación
Declaración responsable (57 KB)
Declaración responsable axuda persoas con enfermidade psiquiátrica crónica (66 KB)
Impreso cambio conta bancaria (305 KB)
Normativa
- Art.135 do Regulamento Xeral do Mutualismo Administrativo.
- Resolución do 21 de marzo de 2024 , da Mutualidade Xeral de Funcionarios Civís do Estado (MUFACE), pola que se convoca a concesión de axudas de protección sociosanitaria durante o ano 2024 (BOE 4 de abril de 2024).