Subsidio por risco durante a lactación natural
Tipo de Prestación
Subsidio por risco durante a lactación natural.
De que se trata?
É unha prestación económica que poden solicitar as mutualistas que obtivesen licenza por risco durante a lactación natural. Existe un modelo específico de parte para as situacións de risco.
Contía
O 100 % das retribucións complementarias devengadas no terceiro mes de licenza.
Beneficiaria
A mutualista que obtivese licenza por risco durante a lactación natural de fillos e fillas menores de nove meses.
Prazo de presentación
A partir do día 91º en situación de risco durante a lactación natural poderá solicitarse o subsidio a MUFACE.
Lugar de presentación
1) A través da Sede Electrónica de MUFACE ( acceso a guía
), as 24 horas do día, todos os días do ano. Precísase certificado electrónico, DNI electrónico, Cl@ve permanente ou Cl@ve PIN. Pode rexistrarse en Cl@ve, sen necesidade de desprazarse a unha oficina, accedendo á Sede Electrónica da Axencia Tributaria (apartado "Trámites Destacados/ Cl@ve" - acceso a solicitude de Cl@ve ): Recibirá unha carta cun código que deberá activar na Sede Electrónica da Seguridade Social.
2) Na unidade de persoal do organismo onde presta servizos, cumprimentando o impreso oficial que aparece máis abaixo.
3) Mediante correo postal, cumprimentando o mencionado impreso oficial.
4) En calquera dos rexistros previstos no artigo 16 da Lei 39/2015, de 1 de outubro, do Procedemento Administrativo Común das Administracións Públicas.
5) Nas nosas oficinas, acudindo con cita previa. Vexa nesta ligazón como pode solicitar a cita no seu Servizo Povincial.
Documentación
Impreso de cambio de conta bancaria (279 KB)
Solicitude incremento IRPF voluntario (200 KB)
Modelo 145 do IRPF -Comunicación de datos ao pagador
Se non se presenta o modelo 145 do IRPF, calcularase o tipo de retención sen ter en conta as súas circunstancias persoais e familiares (art. 88.2 do Regulamento do Imposto sobre a Renda das Persoas Físicas).
O órgano de persoal comunicará a MUFACE a licenza do cuarto mes xunto co certificado das retribucións básicas e complementarias devindicadas ao comezo do terceiro mes de licenza e das complementarias deixadas de abonar a partir do día 91º.
Solicitude electrónica
Acceda agora para presentar a súa solicitude a través da Sede Electrónica (apartado "Prestacións Sociais/Solicitude de subsidio por IT, RE e RLN").
Normativa
Orde PRE/1744/2010, de 30 de xuño , pola que se regula o Procedemento de recoñecemento, control e seguimento das situacións de incapacidade temporal, risco durante o embarazo e risco durante a lactación natural no Réxime Especial da Seguridade Social dos Funcionarios Civís do Estado.