Gaixotasun onkologikoa dutenentzako laguntzak

Prestazio-mota

Babes soziosanitarioko laguntza

Zertan datza?

Gaixotasun onkologiko bat duten eta egin behar dituzten erosketa edo egokitzapen berezien ondoriozko gastuei erantzun behar dieten mutualistek edo, hala badagokio, onuradunek eska ditzakete laguntza hauek.

Zenbatekoa

Laguntzen urteko gehieneko kopurua hau da:

• Ile-protesi, txano, zapi edo turbante onkologikorako (horietako bat bakarrik urtean): 200,00 euro
• Mastektomia, tumorektomia edo antzeko prozedura baten osteko titi-zorrorako (urtean bi gehienez): 75,00 euro
• Osasun Sistema Nazionalak finantzatzen ez dituen dermokosmetika onkologikoko produktuetarako: 150,00 euro
• Bekainen eta betileen mikropigmentazioko eta/edo microblading onkologikoko tratamenduak. 200,00 euro

Egindako gastua adierazitako gehienekoak baino txikiagoa bada, laguntzen zenbatekoa gastu hori izango da gehienez.

Nor izan daiteke laguntzaren onuradun?

Behar bezala egiaztatutako gaixotasun onkologikoa duten MUFACEren mutualistak edo onuradunak.

Aurkezteko epea

Eskaerak 2025ko abenduaren 31ra arte aurkez daitezke (egun hori barne).

Aurkezteko lekua

• MUFACEren egoitza elektronikoan , eguneko edozein ordutan, urteko edozein egunetan, gure bulegoetara bertaratu behar izan gabe. Indarreko ziurtagiri elektronikoa, NAN elektronikoa, Cl@ve iraunkorra edo Cl@ve PIN behar dira. Cl@ve-n erregistratu nahi baduzu, MUFACEren bulego batzuetan egin dezakezu – hauetan, hain zuzen –. Erregistratzeko beste modu batzuen berri izateko, sartu hemen .
• MUFACEren gure bulegoetan , betiere aldez aurretik hitzordua eskatuta , edo Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozein erregistrotan. Baita posta arrunt bidez ere.

Dokumentazioa

Eskaera-eredua (629  KB)

Txosten medikoa (97  KB)

Erantzunkizunpeko adierazpena. (119  KB)

Araudia

• Administrazio Mutualismoaren Erregelamendu Orokorraren 135. artikulua .
• Ebazpena, 2025ko apirilaren 21ekoa , Administrazio Zibileko Funtzionarioen Mutualitatearena, 2025an babes soziosanitarioko laguntzak emateko deialdia egiten duena (2025ko apirilaren 28ko BOE).