accesskey_mod_conten
Bar goiburua gorputza bereizten

Europako Osasun Txartela edo Europako osasun txartelaren behin-behineko ordezko ziurtagiria (BOZ)

Prestazio-mota

Asistentzia sanitarioa atzerrian

Zertan datza?

Europako osasun-txartela (EOT) ikuspuntu medikotik beharrezkotzat jotako osasun zerbitzuak jasotzeko eskubidea ziurtatzen duen dokumentua da, betiere Europar Batasuneko Estatu Kideren batean (Alemania, Austria, Belgika, Bulgaria, Danimarka, Erresuma Batua, Errumania, Eslovakia, Eslovenia, Estonia, Herbehereak, Finlandia, Frantzia, Grezia, Hungaria, Irlanda, Italia, Kroazia, Letonia, Lituania, Luxenburgo, Malta, Polonia, Portugal, Suedia, Txekiar Errepublika eta Zipre), baita Islandian, Liechtensteinen, Norvegian eta Suitzan ere.

Herrialde horietako osasun-zerbitzu publikoak erabiltzeko aukera ematen du lan, ikasketa edo aisialdi kontuengatik egindako behin-behineko egonaldietan, baina ez bidaia tratamendu medikoa jasotzeko helburuarekin egin den kasuetan.

EOTk eta bere behin-behineko ordezko ziurtagiriak (BOZ) balio juridiko bera dute, eta bisitatzen ari den herrialdeko biztanleek jasotzen duten asistentzia sanitarioaren berdina izateko aukera ematen dute. Laguntza ematen den herrialdeko medikuak edo instituzioak, EOT/BOZ aurkezteaz gain, jabearen nortasuna egiaztatzen duen agiriren bat ere eska dezake (NANa edo pasaportea).

Txartel hau pertsonala eta transferiezina da; hori dela eta, titularrak bere onuradunekin batera edo horiek beren kasa egiten dituzten joan-etorrietarako txartel bana emango zaie kideei.

Jasotako laguntzaren eremua

Estatu bakoitzak bere osasun-sistema dauka, beraz baliteke Espainiako osasun-sistemak eskaintzen dituen laguntza guztiak barne ez hartzea, eta kasu batzuetan, erabiltzaileak laguntza horiek ordaindu behar izatea.

Herrialde batzuetan, laguntzaren zenbatekoaren aurrerakina ordaindu behar da (dirua itzultzeko sistema) edo zati baten ordainketa gauzatu behar da (koordainketa-sistema); horregatik, txartelaren jabeak helmugako herrialdean asistentzia sanitario publikoa zein baldintzatan ematen den jakin beharko du bidaia egin aurretik, bertako biztanleen arau berak bete beharko baititu.

Interesdunak dirua itzultzeko sistema edo koordainketa-sistema erabiltzen duen herrialderen batean jaso badu asistentzia, dirua itzultzeko eska diezaioke MUFACEri, Mutualitatearen arauen arabera.

Indarraldia

EOT bi urtez egongo da indarrean mutualistentzat, baita onuradunentzat ere.

BOZ, gehienez ere, 30 egunerako emango da eskuarki. Interneten bidez emandakoa 30 egunez egongo da indarrean. Epe luzeagorako BOZ lortzeko (6 hilabete gehienez), norberak eskatu behar du zerbitzu probintzialetan eta ordezkaritzetan. Horretarako, nahitaezkoa izango da epea luzatzeko eta EOT eskatu ahal ez izateko arrazoia justifikatzea, berezko agiriak aurkeztuz.

EOT/BOZ agirian bertan jasotzen da indarraldia. Komeni da bueltatzeko data epearen barruan dagoela egiaztatzea; hala ez izatekotan, egokia litzateke beste txartel bat eskatzea, egonaldi osoa estaltzen duela ziurtatzeko. Epea bukatzen denean, beste txartel bat eska daiteke.

Indarraldian zehar EOT/BOZ erabili ahal izateko, dena dela, titularrak, hots, mutualistak eta haren onuradunek izaera hori mantendu beharko dute epe horrek iraun bitartean. Behar ez bezala erabiliz gero, jabeak asistentzia osoa ordaindu beharko du, eta MUFACEk modu okerrean jasotako laguntzak erreklamatu ahalko dizkio, Estatuko Funtzionario Zibilen Gizarte Segurantzari buruzko Legearen testu bateginaren hamargarren xedapen gehigarriaren arabera (ekainaren 23ko 4/2000 Legegintzako Errege Dekretuaren bidez onartua).

Eskatzeko lekua

Mutualistek hemen eskatu ditzakete Europako osasun-txartela eta BOZ:

  • * MUFACEren Egoitza Elektronikoa eguneko edozein ordutan, urteko edozein egunetan, MUFACEren bulegoetara bertaratu behar izan gabe. Ziurtagiri elektronikoa, NAN elektronikoa, Cl@ve iraunkorra edo PIN Cl@vea behar dira. Cl@ve-n erregistratu nahi izanez gero, badira MUFACEren bulego batzuk hori egiteko, hemen ikus dezakezu zein , eta hori egiteko beste modu batzuk ezagutu nahi badituzu, sartu hemen .
     

(*) Jakinarazi behar da «NAN/Afiliazio zk. eta posta-kodea» edo «NAN/Afiliazio zk. eta pasahitza» erako sarbide-sistemak dagoeneko ez daudela erabilgarri.
 

* Horretaz gain, gogorarazten dizugu Europako osasun-txartela eskatzeko MUFACEren mugikorretarako aplikazioa erabil dezakezula. Bertan sartzeko ez da Clave-n izena eman beharrik.  APP Mugikorrean erregistratu nahi baduzu, sar zaitez hemen .
 

* Gure bulegoetan (MUFACE) edo Administrazio Publikoen Administrazio Prozedura Erkidearen urriaren 1ekoa 39/2015 Legearen 16. artikuluan aipatu erregistroetatik edozeinetan.

 

EOT (ez BOZ) posta arruntaren bidez eskatu ahal izango da, ahal dela, eskaera mutualistaren zerbitzu probintzialera edo ordezkaritzara bidalita. Horrelako eskaerak eskatzaileak sinatu behar ditu. EOT erakundearen datu-basean agertzen den mutualistaren etxebizitzara bidaliko da. EOT eskatzaileak adierazitako helbidean jasoko da 10 egunean.

BOZ berehala eskuratuko da, eta inprimatu egin behar da MUFACEren egoitza elektronikoaren bidez eskatzen bada; ostera, MUFACEren bulego batean eskatzen bada, eskura emango zaio eskatzaileari.

Aurreko hiru bideetan mutualistak bere EOT/BOZ eta/edo bere onuradunena eska dezake. Gaur egun zurea baldin badaukazu, zure onuradunena era independentean eska dezakezu. Halaber, mutualistak adin nagusiko onuradun bat edo adin nagusiko hirugarren onuradun bat baimendu ahal izango du bere izenean eskaera egiteko. Kasu horretan, eskaera egiteko idatzizko baimena aurkeztu beharko da MUFACEn. Baimen horretan adierazi egin beharko dira mutualistaren izena eta afiliazio-zenbakia eta baimenduaren NANa.

Informazio gehiago

Informazio gehiago