Requisitos na prescrición para reforzar a súa vixilancia

O Ministerio de Sanidade modificou a partir do 1 de xaneiro do este ano as condicións da prescrición de medicamentos que conteñen o principio activo CLONAZEPAM (RIVOTRIL©) dentro do Sistema Nacional de Saúde (SNS) para optimizar o seu uso.  Con vistas a garantir a vixilancia e control en todos os ámbitos de MUFACE, e evitar falsificacións, estableceuse unha validación sanitaria a partir do 1 de xaneiro de 2024, para asegurar e controlar que a prescrición sexa correcta cando non existe posibilidade de receita electrónica.

Trátase de verificar que a prescrición, cando non é electrónica, sexa realizada por un médico concertado e en receita oficial de MUFACE, procedente dun talonario correctamente asignado ao titular mutualista de opción concertada.

Procedementos segundo ámbitos de mutualistas

Existen tres supostos en MUFACE para a prescrición destas receitas:

• Mutualistas de opción pública: a prescrición ha de ser forzosamente electrónica e feita por un facultativo do servizo público de saúde.
• Mutualistas de opción concertada en Cantabria, Asturias, Canarias, Estremadura, A Rioxa e Navarra e calquera outro territorio que implante a receita electrónica concertada (SIREM) no futuro. A prescrición será igualmente electrónica en todo caso, realizada por médico de entidade concertada, e non precisa máis trámite.
• Resto de mutualistas de opción concertada adscritos a Servizos Provinciais en cuxo territorio non se implantou aínda a receita electrónica concertada (Neste momento, todas as provincias salvo as correspondentes a Cantabria, Asturias, Canarias, Estremadura, A Rioxa e Navarra). Neste caso, mentres non exista receita electrónica, han de acudir ao seu Servizo Provincial de MUFACE portando a receita en papel asinada por médico concertado así como un informe deste último, e alí realizarase presencialmente a validación, que é un trámite sinxelo. Unha vez validada a receita, poderase obter o medicamento en farmacias. O trámite pódese realizar igualmente por correo postal remitindo a receita e o informe cos datos do ou a mutualista ao Servizo Provincial.

O sistema de validación existe xa en MUFACE para mutualistas de entidade concertada sen excepción para o caso do programa antitabaco, e é necesario no caso de medicamentos con Clonazepam desde o 1 de xaneiro de 2024. O obxectivo é cumprir coas pautas do Ministerio de Sanidade e dese modo establecer adecuadas medidas de racionalización e optimización do seu uso.

Máis información na páxina web de MUFACE