Poxa de inmobles de MUFACE
Publicouse no BOE o anuncio de alleamento por poxa pública de distintos inmobles de MUFACE radicados en Guadalaxara, Lleida, Sevilla, Teruel e Zaragoza.
A operación patrimonial afecta a cinco capitais
A Mutualidade Xeral de Funcionarios Civís do Estado anuncia o alleamento por poxa pública de seis inmobles radicados en cinco provincias. Así figura no BOE do 1 de setembro , que publica a Resolución do 27 de agosto de 2020 de MUFACE, na que se detallan os termos desta operación patrimonial.
A poxa realizarase nun único chamamento con proposición á alza en sobre pechado. Os inmobles, todos urbanos, atópanse en situados en Guadalaxara, Zaragoza, Sevilla, Lleida (dous locais) e Teruel.
O detalle destes inmobles inclúese no prego de condicións con data do 25 de agosto de 2020, que obra a disposición das persoas interesadas tanto na Secretaría Xeral da Mutualidade como na páxina web: ver ligazón
O último día para a presentación de ofertas é o 1 de outubro e a apertura das mesmas realizarase en acto público o 28 de outubro na sede central de MUFACE (Pº Xoán XXIII, 26, de Madrid).
As visitas aos inmobles poderán realizarse previa cita concertada no Servizo de Administración Patrimonial de MUFACE a través deste correo electrónico: patrimoniofe@muface.es
As consultas serán atendidas nos teléfonos 912739868 e 912739502 e nos Servizos Provinciais en cuxa demarcación radica o inmoble. Os datos de contacto pódense atopar nesta ligazón.
As actuacións patrimoniais de alleamento e a súa difusión enmárcanse dentro as medidas do Plan de Impulso 2017-2020 da Mutualidade, tendentes á racionalización e posta en valor do patrimonio inmobiliario de MUFACE, e trátase de medidas permanentes e non conxunturais. A súa difusión evidencia o compromiso de xestión e transparencia deste organismo e pretende a máxima concorrencia de ofertas posible para a adquisición de bens que non teñen uso pola administración pública na actualidade, pero poden ser interesantes para o mercado privado de compra e venda.