Garántese a asistencia a todos o colectrivo mutualista

Xa está dispoñible na web de MUFACE o protocolo de actuación para a asistencia ao tabaquismo, incluída na carteira de servizos comúns de Atención Primaria do SNS e considerada, así mesmo, no Concerto de Asistencia Sanitaria 2020-2021 asinado coas distintas entidades aseguradoras. As persoas mutualistas adscritas a calquera das aseguradoras concertadas poderán acollerse ás medidas consideradas neste programa, aínda que tamén son válidos outros protocolos emitidos por organismos oficiais e entidades sanitarias. Pola súa banda, as persoas mutualistas de adscrición ao INSS seguirán os programas ou protocolos do correspondente Servizo Público de Saúde.

Requisitos

Recentemente, o Ministerio de Sanidade incluíu no financiamento do SNS dous medicamentos –o Champix® (Vareniclina) e o Zyntabac® (Bupropion)- para tratamentos de apoio á deshabituación tabáquica. Este financiamento, en vigor desde o 1 de xaneiro, está suxeita a determinadas condicións, tales como que os pacientes sigan un programa de apoio ou atención ao tabaquismo, con motivación expresa para deixar de fumar, que fumen 10 cigarros ou máis ao día e teñan, ademais, un alto nivel de dependencia, cualificado polo test de Fagerström nun índice igual ou superior a 7. 

O programa antitabaco de MUFACE define estas actividades de diagnóstico, así como a valoración e delimitación da fase do proceso de abandono e as intervencións para o tratamento e seguimento das persoas fumadoras.

Con cargo á prestación farmacéutica financiarase un intento anual por paciente para deixar de fumar con apoio farmacolóxico. Cada prescrición realizarase por un envase, o que equivale a un mes de tratamento, debendo valorarse a evolución da efectividade do tratamento para a súa continuidade que se estenderá, como máximo, ata as doce semanas.

Con receita e un 70%

En caso de aprobarse o tratamento, leste será prescrito mediante receita tanto para mutualistas de adscrición a entidades de seguro como adscrición ao INSS. Farase mediante receita electrónica naquelas comunidades autónomas onde xa estea implantada. No resto, será necesaria a prescrición mediante receita en papel validada polo servizo provincial correspondente mediante o selo máis a data de validación ou visto e prace. Como todos os medicamentos que van en receita finánciase o 70 por cento. O  30 por cento restante é achega do usuario ou usuaria.

Para máis información, pódese consultar todo o relativo ao programa antitabaco na web de MUFACE, dentro do apartado de Prestacións Prestacións Sanitarias