Unha gran coñecedora da Mutualidade

O Consello de Ministros do pasado 28 de xaneiro acordou o nomeamento de Myriam Myriam Pallarés Cortón como nova directora xeral de MUFACE. Na actualidade, viña asumindo por vacante os labores da Dirección Xeral desde xullo de 2019, así como a Secretaría Xeral da Mutualidade desde xaneiro de 2017.

Nada en Madrid en 1975,  Myriam Pallarés é licenciada en Dereito pola UCM e  pertence ao Corpo Superior de Administradores Civís do Estado desde 2002.

Na súa intensa traxectoria como xestora pública, prestou servizos no Consello Superior de Deportes, como subdirectora adxunta de Deporte e Saúde; na Subdirección Xeral de Coordinación Institucional da Delegación do Goberno para a Violencia de Xénero e como coordinadora de Patrimonio na subdirección xeral de Coordinación  da Administración Periférica do Estado.

Novos retos

Gran coñecedora da Mutualidade, Myriam Pallarés asume o cargo co firme propósito de seguir avanzando na transformación dixital e a mellora da calidade do servizo que presta MUFACE aos seus mutualistas. A continuidade da súa vontade de innovación e mellora  está asegurada grazas ao sostido esforzo do equipo humano central e territorial do organismo, así como o apoio dos membros do seu órgano colexiado principal, o Consello Xeral, participado por sindicatos maioritarios de funcionarios da Administración Xeral do Estado, sempre no ámbito das directrices do novo equipo á fronte do Ministerio de Política Territorial e Función Pública, en concreto do Secretario de Estado de Política Territorial e Función Pública, Francisco Hernández Spínola.