06/05/2019
Novos partes de incapacidade temporal
Relación dos cambios que incorporan os novos modelos de partes de MUFACE publicados o 10 de abril.
Tamén hai cambios nos de risco durante embarazo e lactación
O pasado 10 de abril publicáronse os novos modelos de partes de MUFACE que incorporan os seguintes cambios:
- Codificación do diagnóstico na Clasificación Internacional de Enfermidades (CIE 10ª edición).
- Dúas copias do parte. A copia para a Administración agora é única para o órgano de persoal do colectivo mutualista e para MUFACE.
- No parte de incapacidade temporal engádese o apartado do informe adicional de ratificación, que o persoal médico cobre no 10º e 16º mes da incapacidade temporal, e deixan de existir como documentos independentes.
- Publícase por separado o parte para as situacións de risco durante o embarazo e risco durante a lactación natural, situacións que se declaran polos órganos de persoal previa valoración do risco e confirmación de imposibilidade de cambio do posto de traballo da mutualista.
Para máis información, poden consultar a web de MUFACE