Benefícianse os mutualistas cuxa renda non supere os 15.000 euros

O Boletín Oficial do Estado do 21 de xuño publica a Convocatoria de Axudas Asistenciais para 2019 da Mutualidade Xeral de Funcionarios Civís do Estado (MUFACE), na que se inclúen as melloras do copagamento farmacéutico aprobadas o pasado 18 de xuño e que se aplican desde o 1 de xullo. Estas axudas benefician ás persoas mutualistas xubiladas ou perceptoras de prestación de orfandade ou viuvez que cumpran determinados requisitos.

Entre os novos criterios cabe destacar o incremento do límite máximo de renda, por baixo do cal se poden percibir as axudas ao copagamento farmacéutico, e que queda fixado en 15.000 euros, así como a elevación da contía mínima, que pasa de 10 a 50 euros.

Outras novidades son: a ampliación a tres meses do período no que se poden solicitar as axudas -entre xullo e setembro-, que se aboarán, tras a súa aprobación, a finais do exercicio; e as facilidades para a tramitación das solicitudes, que ademais de presencialmente ou por correo poderán presentarse a través da sede electrónica da Mutualidade.

A previsión é que este ano o número de persoas mutualistas que se beneficien desta medida chegue aos 2.000 e que a axuda media percibida sexa de 227 euros.

Co obxecto de fomentar a difusión destas medidas, introduciuse na listaxe de prestacións da páxina web de MUFACE un epígrafe específico de “Axudas “Axudas para o copagamento farmacéutico”.