Os incrementos nas prestacións van do 3% en fillos con discapacidade ao 22% por parto ou adopción múltiples

As axudas por descendente ou menor a cargo con discapacidade e por parto múltiple, xestionadas por MUFACE, van experimentar un significativo incremento durante 2019. En concreto, dun 3% para as primeiras e dun 22% para as segundas, segundo o tipo de axuda de que se trate.

Novos baremos

O aumento destas partidas prodúcese tras a publicación no Boletín Oficial do Estado do 27 de decembro de 2018 dos novos baremos do Salario Mínimo Interprofesional (Real Decreto 1.462/2018), e da aprobación polo Consello de Ministros do pasado 28 de decembro das novas bases de cotización (Real Decreto-Lei 28/2018; BOE do 29).

A asignación mensual por descendente ou menor a cargo con discapacidade establécese en función da idade, do grao de discapacidade e da necesidade do concurso doutra persoa. O aumento das contías para 2019 tivo en conta os casos que revisten unha maior gravidade.

Parto múltiple

Polo que se refire a as prestacións por parto múltiple, existen dous tipos de axudas: unha de pago único por parto ou adopción múltiple, e un subsidio especial por maternidade, por parto, adopción ou acollemento múltiples.

No que respecta ás axudas de pago único, a contía da prestación fíxase, dependendo do número de descendentes, en 4, 8 ou 12 veces o Salario Mínimo Interprofesional (SMI) mensual vixente no día do nacemento ou data da sentenza de adopción, cun aumento respecto ao ano pasado de ata un 22 por cento.

O subsidio especial por parto ou adopción múltiples é unha prestación tamén de pago único, equivalente ao 100 % da base de cotización do día do feito causante.

As contías vixentes a partir de 1 de xaneiro de 2019 pódense consultar aquí:

https://www.muface.es/muface_home/prestaciones/familiares/subsidio-especial-parto-multiple.html

E en Prestacións Familiares a información completa sobre as prestacións actualizadas por fillo ou filla ou menor a cargo con discapacidade e por parto múltiple.