De interese para mutualistas en situación de xubilación ou de carácter voluntario

Durante o próximo mes de outubro, o colectivo mutualista en situación de xubilación e outros colectivos (mutualistas voluntarios e persoas beneficiarias a título propio) poden presentar solicitudes de axudas dentarias e oculares a través de distintas vías non electrónicas. Trátase dunha excepción á regra que rexe para mutualistas en activo, que son suxeitos obrigados á presentación electrónica.

Como pedilas

Coa finalidade de ofrecer un mellor servizo e máis áxil, as oficinas provinciais de MUFACE reservan a atención presencial para cuestións urxentes de tipo sanitario ou que non admiten outra vía de tramitación e esixen pedimento de cita previa. 

Os colectivos citados poden tramitar a solicitude de axudas dentarias e oculares durante o mes de outubro de 2022 por estas canles:

• Correo postal: Introducindo o impreso cuberto e as facturas e documentación necesaria nun sobre dirixido ao servizo provincial de MUFACE que lles corresponda. Poden descargar o impreso nesta ligazón
• Na sede electrónica de MUFACE, utilizando Cl@ve, certificado electrónico ou DNI electrónico. (Esta canle está sempre  dispoñible e é posible presentar solicitudes  365 días ao ano, as 24 horas).
• Outros rexistros: Poden presentalo en papel nas oficinas de asistencia en materia de rexistros  (OIAC),   e a través das outras vías previstas no Art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

As persoas que non poidan descargar o impreso teñen a posibilidade solicitalo ao seu Servizo Provincial por teléfono ou por e-mail e enviaranllo por correo postal. No apartado As nosas Oficinas da páxina web poden consultar todas as direccións e datos de contacto. Tamén se pode obter o impreso no formulario de Atención a mutualistas.  En caso de solicitar cita previa para tramitar esta prestación, entregaranlles o impreso e deberán presentalo por correo postal ou a través dunha oficina de rexistro xeral, polas vías antes mencionadas.

Toda a información sobre as axudas dentarias e oculares de MUFACE está na nosa páxina web, en As miñas Prestacións saniatarias e Sociais, Prestacións complementarias.