A Farmacia celebra o seu día mundial o 25 de setembro

 

Carta da directora xeral de MUFACE, Myriam Pallarés:

O 25 de setembro celébrase o Día Mundial do Farmacéutico, instituido pola Federación Internacional Farmacéutica; este ano coa lema “A farmacia, unida por un mundo máis saudable”, e reforzado en España coa lenda  “Todos para un”.

No ámbito da misión de MUFACE, a profesión farmacéutica xoga un papel esencial e é soporte da asistencia sanitaria ás persoas protexidas polo mutualismo administrativo. Xa sexa nas oficinas de farmacia, facendo inspección, xestionando farmacia hospitalaria ou colaborando en análises clínicas ou en materia de saúde pública, os e as profesionais de farmacia axudan ao colectivo mutualista diariamente, xerando confianza no modelo e contribuíndo á mellora da calidade de vida das persoas.

Non en balde o Consello Xeral de Colexios oficiais de Farmacia e os Colexios oficiais no seu territorio son socios da Mutualidade nun dos proxectos estrela de MUFACE, como é o de receita electrónica. Implantada a receita electrónica pública en todas as comunidades, con Ceuta e Melilla a piques de gozar das súas vantaxes en poucas semanas, o reto actual é superar as complexidades técnicas do proceso e estender coa maior celeridade o modelo de receita electrónica concertada, que xa funciona en Cantabria e Asturias, a outros territorios. O beneficio da receita electrónica non só redunda nas persoas mutualistas senón que tamén facilita extraordinariamente a tarefa da profesión farmacéutica.

Facer que sexa real a orientación ás persoas, que é valor primordial da xestión da Mutualidade no seu plan estratéxico MUFACE AVANZA, non sería posible sen o labor da Farmacia. Desde MUFACE felicitamos a todas as persoas que integran a profesión farmacéutica, homes e mulleres, así como ao Colexio Xeneral de Colexios oficiais de Farmacia e a todos e cada un dos Colexios oficiais territoriais que diariamente colaboran coas nosas oficinas para o benestar do noso colectivo.

Grazas polo voso labor, e felicidades.

Myriam Pallarés

               Directora xeral de MUFACE