Carta aberta de Myriam Pallarés, directora xeral de MUFACE

Que importantes son algunhas datas nas nosas vidas!

Unha das miñas é este 8 de marzo, Día Internacional da Muller. Porque o son, pero tamén porque son nai, filla, neta, sobriña, amiga, compañeira de tantas mulleres incribles que non merecen ser discriminadas. E tamén, aínda sen coñecelas, por todas as mulleres deste mundo incivilizado. En especial, polas mulleres e nenas ucraínas.

A importancia das datas radica na súa orixe. E é triste que desde 1975, ano no que o 8 de marzo foi declarado como Día da Muller pola ONU, avanzásemos tan pouco. Pero se algo somos as mulleres é loitadoras. E por iso seguimos pelexando pola igualdade salarial, por romper os teitos de cristal, por conseguir un mundo libre de  violencias machistas, porque ningunha muller deba sufrir polo feito de selo… E  as mulleres imos conseguindo metas. E todas e cada unha temos o deber de pór a nosa pequena pedra no muro da igualdade.

No ámbito de MUFACE hoxe día 8 de marzo facemos a presentación do primeiro Plan de Igualdade do organismo, un fito para todas as empregadas públicas que traballamos nel. E non é algo anecdótico. O noso firme compromiso coa igualdade plásmase noutras actuacións non menos importantes. Unha delas é o sinatura do Convenio de colaboración coa Delegación do Goberno contra a Violencia de Xénero, iniciando unha senda inexplorada ata agora. Non é menos importante a inclusión, no Convenio co INSS, de avances na protección sanitaria das vítimas de violencia de xénero. Este forte compromiso impregna o noso propio Plan estratéxico, o Plan MUFACE Avanza 2021/2023 ou o primeiro Plan de Responsabilidade Social Corporativa  en estado de negociación.

Non quedamos, pois, en tinguir de morado o noso logotipo no portal web: Igualdade en MUFACE implica a igualdade na aplicación das súas normas, no deseño de prestacións  e na xestión das persoas.

 

Hoxe, día 8 de marzo de 2022, MUFACE escríbese con MU de muller,. Grazas a todas.

Mulleres, mutualistas e empregadas públicas, felicidades.

 

Myriam Pallarés