Semana da Administración Aberta en MUFACE
MUFACE programou distintos eventos e talleres para dar a coñecer a súa xestión e orientar ao colectivo no marco da Semana de Administración Aberta 2022.
Programa de eventos da Mutualidade
Os servizos centrais e provinciais de MUFACE programaron distintos eventos para a Semana da Administración Aberta que se vai a celebrar entre o 27 de xuño e o 1 de xullo. Trátase dunha iniciativa impulsada mundialmente pola Alianza para o Goberno Aberto ( Open Gov Week ). O seu obxectivo principal é achegar as Administracións Públicas á cidadanía, baseándose nos principios do Goberno Aberto: transparencia, rendición de contas, participación cidadá, integridade pública e colaboración.
En España, a Semana da Administración Aberta (SAA) está coordinada e impulsada pola Dirección Xeral de Gobernación Pública (Secretaría de Estado de Función Pública, do Ministerio de Facenda e Función Pública), coa colaboración do Foro de Goberno Aberto
Divulgación de contidos específicos
Os eventos programados por MUFACE pretenden dar a coñecer a Mutualidade como organismo público que xestiona un Réxime Especial da Seguridade Social mediante a divulgación de contidos específicios relacionados co seu labor diario de servizo a mutualistas. Por unha banda, difúndese a súa contribución ao Plan de Recuperación, Transformación e Resiliencia, nun webinar impartido desde os servizos centrais da Mutualidade o próximo 28 de xuño; e por outra, poranse en marcha talleres prácticos para difundir a transformación dixital así como as ferramentas que axilizan a xestión, como a Plataforma CEPIT (Incapacidade Temporal).
Os obxectivos céntranse en neutralizar a fenda dixital no colectivo mutualista, xa se atope ou non en situación de xubilación, así como en arbitrar e difundir entre as administracións que colaboran con MUFACE cuantos sistemas sexan necesarios para facilitar a xestión dos feitos vitais das persoas mutualistas.
Programación de eventos
Sobre esta base e cunha finalidade eminentemente prácitca, de asistencia e orientación positiva e información ao colectivo mutualista, os servizos centrais e distintos servizos provinciais da Mutualidade programaron unha serie de eventos que se detallan a seguir:
- Xornada de presentación do Plan de Recuperación, Transformación e Resiliencia (PRTR)
- Tipo de evento: Webinar (formato en liña)
- Data: 28 de xuño
SERVIZO PROVINCIAL DE ALBACETE
- Presentación sobre prestacións de MUFACE e posterior resposta a consultas
- Tipo de evento: Presentación na sede
- Data: 29 de xuño
SERVIZO PROVINCIAL DE ALACANTE
- Servizos dixitais ao servizo dos mutualistas: taller sobre o uso da web de MUFACE e sede electrónica.
- Tipo de evento: Taller informativo e de asesoramento personalizado aos solicitantes.
- Datas: 27,28 e 29 de xuño
SERVIZO PROVINCIAL DE BARCELONA
- Servizos dixitais ao servizo de mutualistas: taller sobre o uso da web de MUFACE e sede electrónica.
- Tipo de evento: Taller
- Data: 30 de xuño
SERVIZO PROVINCIAL DE CASTELLÓ
- Servizos dixitais ao servizo de mutualistas: taller sobre o uso da web de MUFACE e sede electrónica. Orientado ao colectivo de mutualistas en situación de xubilación..
- Tipo de evento: Taller
- Data: 27 de xuño
- Servizos dixitais ao servizo de mutualistas: taller sobre o uso da web de MUFACE e sede electrónica. Dirixido ao persoal funcionario de institucións penais en Córdoba
- Tipo de evento: Taller
- Data: 28 de xuño
- Servizos dixitais ao servizo dos mutualistas: Taller práctico de solicitude de prestacións vía telemática e alta en cl@ve para mutualistas.
- Tipo de evento: Taller
- Datas: 27, 28, 29 e 30 de xuño
- Servizos dixitais ao servizo de mutualistas: punto de atención personalizada para o uso de medios electrónicos en MUFACE (App de Muface e alta en Cl@ve)
- Tipo de evento: Taller
- Datas: 27, 28, 29 e 30 de xuño, 1 de xullo
SERVIZO PROVINCIAL DE PALENCIA
- Servizos dixitais de MUFACE. APP e Sede electrónica
- Tipo de evento: Taller
- Data: 27 e 28 de xuño
SERVIZO PROVINCIAL DE VALLADOLID
- Servizos dixitais ao servizo dos mutualistas: taller sobre o uso da aplicación MUFACE Móbil
- Tipo de evento: Taller práctico (débese acudir con teléfono móbil)
- Data: 28 e 29 de xuño
SERVIZO PROVINCIAL DE ZARAGOZA
- Servizos dixitais ao servizo dos mutualistas: taller práctico de solicitude de prestacións e alta en Cl@ve para jubilados/as
- Tipo de evento: Taller
- Datas: 27, 28, 29 30 de xuño, e 1 de xullo
Transparencia
Para ampliar contidos relativos a todas as administracións públicas e os seus eventos na Semana de Administración Aberta, o portal da Transparencia da AGE ten dispoñible un
Asistencia e proximidade ao colectivo
Un dos alicerces do Plan MUFACE Avanza 2021-2023 é a proximidade ao colectivo. Participar na Semana da Administración Aberta para interactuar con mutualistas máis aló da atención diaria das oficinas supón un paso máis na consolidación dunha cultura centrada en persoas, e non meramente nas tecnoloxías. Estes eventos servirán, ademais, para avaliar cal é o mellor formato para este tipo de talleres, que MUFACE quere que formen parte do quefacer diario das súas oficinas.
Para máis información: