Actualización de catálogos

Durante todo o mes de xaneiro, ata o 31 inclusive, as persoas mutualistas que así o desexen poden solicitar o cambio ordinario de entidade aseguradora, tal como está contemplado no novo Concerto de Asistencia Sanitaria 2022-2024.

Desde a súa entrada en vigor, o pasado 1 de xaneiro, as entidades aseguradoras que o subscribiron –Asisa, DKV e SegurCaixa Adeslas- actualizaron os seus Catálogos de Provedores , polo que MUFACE lembra aos seus mutualistas a conveniencia de consultalos con detalle co fin de facer unha elección responsable e que se acomode ás súas necesidades de servizos médicos e hospitalarios. Toda a información, segundo vai actualizándose, está na web de MUFACE . Alí  pódense atopar os cambios de catálogo da entidade SegurCaixa Adeslas, que son os que presentan neste momento maior interese e beneficio para as persoas mutualistas. E aínda que non figure aínda no catálogo, queda confirmado que esta entidade ampliou a oferta de centros hospitalarios incluíndo HM hospitais.

A este respecto, cabe destacar que os medios propios ou concertados polas entidades son recursos sanitarios privados, polo que non é posible establecer limitacións ás entidades e provedores sobre a facultade de concertar e desconcertar libremente a relación de servizos profesionais, dado que a relación contractual de MUFACE é co sector asegurador, non coas empresas e profesionais provedores dos servizos.

Igualatorio de Cantabria

No suposto de persoas mutualistas adscritas a Igualatorio de Cantabria, ao non formar parte dita entidade do Concerto 2022-2024, deben cambiar de entidade ao longo do mes de xaneiro forzosamente, xa sexa a outra entidade concertada, xa sexa ao servizo público de saúde.

A Mutualidade informou o mes de novembro a este colectivo para que puidesen prever  o cambio a realizar. De non facelo, MUFACE garante a cobertura sanitaria xa que de oficio o 1 de febreiro adscribirá ás persoas mutualistas que non exercesen a súa opción e aos seus beneficiarios e beneficiarias ao servizo público de saúde que lles corresponda.

Polo demais, a información relativa tanto ao cambio ordinario que pode realizar calquera mutualista como o de tipo forzoso que debe facer o colectivo mutualista adscrito ao Igualatorio de Cantabria pódese atopar en <strong>a a nosa web.