Os Servizos Provinciais de MUFACE como garantía da proximidade ao colectivo mutualista.

A directora xeral de MUFACE  inaugurou o xoves, día 30 de novembro, as segundas xornadas de traballo das direccións provinciais de MUFACE correspondentes ao presente exercicio. A Mutualidade ten 57 oficinas que atenden ao colectivo presencialmente, por teléfono e a través do correo electrónico e xestionan os expedientes de prestacións, ao mesmo tempo que desenvolven un importante papel de visibilidade da Mutualidade. O encontro ten carácter semestral e o seu obxectivo é, por unha banda coordinar a actividade dos servizos centrais e territoriais da Mutualidade e, por outra, informar sobre todas as novidades de xestión que teñen interese para desenvolver o labor de xestión e atención no territorio.

 

Recoñecemento a directores e directoras: proximidade aos mutualistas como selo distintivo de MUFACE

Nas súas palabras de benvida, Myriam Pallarés agradeceu o traballo e profesionalidade dos equipos provinciais, liderados por directores e directoras, que se adaptaron á normalidade da atención presencial sen ningún problema tras a crise sanitaria provocada pola pandemia, durante a cal as oficinas de MUFACE permaneceron abertas coas lóxicas restricións de aforo.

 

A neutralización da  fenda dixital, preservar a igualdade de trato tendo en conta as circunstancias de cada persoa dentro a estratexia xeral de proximidade ao colectivo, así como a implicación nas melloras que se prevén ao amparo do Plan Muface Avanza  2021-2023 como folla de ruta estratéxica do organismo, centraron as palabras de Myriam Pallarés. Este instrumento e o Plan de Recuperación, Transformación e Resiliencia son os mecanismos que permitirán á Mutualidade avanzar na senda da modernización e convertela nun organismo máis áxil, eficiente, próximo e sensible ás necesidades do colectivo mutualista.

Por ese motivo, valorouse pola directora xeral a implicación dos directores e directoras provinciais en cada proxecto, nun contexto no que hai que esforzarse ao máximo por captar e reter talento. Destacou, así mesmo, as xestións colaborativas de prestacións complementarias e de trámites de Colectivo que desenvolven algunhas oficinas para lograr que as máis congestionadas cumpran os seus obxectivos, despregando deste xeito a solidariedade interterritorial que sempre foi marca da Mutualidade.

Igualmente, destacouse que modelos cono a Oficina de Tramitación Electrónica de Vigo e o  proxecto UNIPOL, que se despregará en 2023, son  senllos exemplos de como sistematizar a solidariedade e dese modo cumprir os obxectivos de xestión dun modo estable.  A receita electrónica concertada, que acaba de implantarse en Canarias, segue sendo o proxecto estrela da Mutualidade, no que se redobran esforzos para permitir un despregamento amplo en 2023.

MUFACE, lembrou a directora xeral, vive nun contexto de transformación dixital, pero precisamente por iso nunca debe esquecer os seus valores tradicionais e, en concreto, a proximidade cos mutualistas e o trato humano. Ese é e ha de ser o seu selo distintivo.

 

Contido das xornadas: liderado transformador, competencias dixitais e novidades de xestión.

A seguir presentouse o contido as xornadas. O primeiro día dedícase a formación e adestramento directivo, en concreto a liderado transformador e ás habilidades e coñecementos que forman parte do Marco de Competencias Dixitais elaborado polo INAP, ambos cun contido moi participativo e práctico. O segundo día céntrase na explicación por parte de cada departamento das novidades e puntos de interese que presenta a xestión de prestacións sanitarias, sociais, asuntos de persoal e xestión económica e tecnoloxías, así como na situación dos proxectos do Plan MUFACE Avanza.