Dará cobertura a 26.390 mutualistas de opción pública

As 26.390 persoas mutualistas de MUFACE adscritas á opción pública en Castela e León xa poden gozar da receita electrónica plena a partir de hoxe, 15 de outubro. Así se recolle no protocolo subscrito o pasado 18 de setembro entre MUFACE e a Xerencia Rexional de Saúde, que permite incluír na receita electrónica (Recyl) a todas as persoas mutualistas que optasen pola asistencia sanitaria con Sanidade de Castela e León (Sacyl).

A medida é unha continuación das actuacións que xa levaron a cabo de durante o pasado estado de alarma. Na posta en marcha deste sistema tamén foi fundamental a participación activa do Consello de Colexios profesionais de Farmacéuticos de Castela e León (Concyl). 

Moi beneficiosa

Deste xeito, o colectivo mutualista de opción pública de Castela e León poderá dispor dos tratamentos prescritos polo persoal facultativo a través das oficinas de farmacia presentando o seu cartón sanitario individual, unha vez que ditas prescricións estean incorporadas a este soporte. A medida beneficia en gran medida a unha porcentaxe  importante de persoas mutualistas castelán-leonesas que residen en localidades afastadas do seu centro de saúde de referencia, que xa non terán necesidade de recoller a receita nos centros de saúde.

Para utilizar a prestación farmacéutica, as persoas mutualistas de opción pública deben dirixirse ao seu centro de saúde, como é habitual; nel informaráselles sobre como actuar. Debe advertirse que os mutualistas adscritos a entidades concertadas desta comunidade acollidos ao convenio rural, seguirán co sistema que utilizan actualmente.

Receita electrónica no ámbito de MUFACE

Con Castela e León, a receita electrónica funciona xa de modo completo para o colectivo mutualista de opción pública en todas as comunidades autónomas, coa excepción de Ceuta, Melilla e Galicia. Neste último caso, as persoas mutualistas deben acudir á farmacia coa receita en papel, aínda que a prescrición é electrónica. No entanto, está previsto que Galicia se incorpore en receita electrónica completa antes de fin de ano.

MUFACE segue traballando intensamente para completar o mapa da receita electrónica para mutualistas, e en especial, desenvolvendo as probas da plataforma de receita dixital para mutualistas de entidades concertadas. Máis información, na sección sobre receita electrónica da páxina web de MUFACE.