Un acordo beneficioso para o colectivo mutualista

O Consello Xeral de Colexios Farmacéuticos e Cruz Vermella chegaron a un acordo de colaboración que pode ser de interese para moitas persoas mutualistas de MUFACE con problemas para acudir á farmacia nestes días de confinamento pola crise do coronavirus.

As máis de 22.000 farmacias e a rede de máis de 200.000 persoas voluntarias da Cruz Vermella han sumado as súas forzas para facilitar a entrega a domicilio de medicamentos a pacientes en corentena, con problemas de mobilidade, enfermidade aguda –incluídas as persoas afectados por Covid-19- crónicos complexos con enfermidades respiratorias ou que supoñan un déficit da inmunidade, persoas con diabetes e con enfermidades cardiovasculares. O acordo, estará vixente mentres se manteña o estado de alarma decretado polo Goberno.

Entrega a domicilio

O servizo poderá incluír a entrega de medicamentos no domicilio da persoa que o demande, con e sen receita médica, do SNS e de receita médica privada, produtos sanitarios e produtos de saúde.

As persoas interesadas poderán solicitar o seu medicamento a calquera farmacia do seu municipio ou municipio limítrofe no caso de que no seu non haxa farmacia.

Para máis detalles sobre a prescrición de receitas –tanto en papel como electrónicas-, a xestión e entrega dos pedidos así como o pago da mesmos, pódese consultar esta ligazón.