Será obrigatoria desde o 3 de febreiro

Os servizos provinciais de Sevilla e Alacante van implantar o sistema de cita previa, dentro do proceso de mellora continua da calidade que está a supor a transformación dixital de MUFACE.  Desde o mércores 15 de xaneiro, as persoas mutualistas de Sevilla e Alacante poderán pedir cita previa para empezar a acudir ás súas respectivas oficinas provinciais a partir do luns, 3 de febreiro, data da posta en marcha efectiva do sistema, a partir da cal pedir cita será obrigatorio.

Moi sinxelo

Para realizar a solicitude a través da web basta con pór o nome, apelidos, DNI e un número de teléfono. Non se require identificación electrónica nin rexistro previo. Xestiónase a través da web de MUFACE, entrando na sede electrónica , apartado “Outros”

Tamén se pode realizar o trámite chamando ao 060 , a través dun servizo de atención telefónica habilitado para o efecto.

A información necesaria para utilizar o servizo atópase na páxina web da Mutualidade, en as  apartado Oficinas con cita previa, dentro de  Atención ao Mutualista .

As persoas mutualistas de ambas as provincias están a ser informadas por correo electrónico sobre os detalles da implantación deste sistema. Así mesmo remitiuse unha carta en papel a determinados segmentos de mutualistas que non achegaron a súa dirección de e-mail  a MUFACE.