Balance positivo do ano

O secretario de Estado de Política Territorial e Función Pública, Francisco Hernández Spínola, destacou en primeiro lugar que o Plan Avanza 2021-2023 da Mutualidade Xeral de Funcionarios Civís do Estado (MUFACE) segue a senda de modernización e achegamento ao colectivo, para facer da Mutualidade “un organismo áxil, eficaz, eficiente e sobre todo próximo e sensible ás necesidades do colectivo para o que todos os seus empregados e empregadas públicas traballan diariamente”.

Hernández Spínola, que presidiu por videoconferencia o terceiro e último Consello Xeral de MUFACE de 2020, xunto ao secretario xeral de Función Pública, Javier Rueda e a directora xeral de MUFACE, Myriam Pallarés, subliñou que o número de mutualistas titulares, que xa superou o millón durante o pasado ano, mantívose durante 2020, “demostrando que o mutualismo é un sistema eficaz e garante da asistencia sanitaria e social do seu colectivo”.

Para atender a este crecente colectivo, durante 2020 MUFACE executou un Orzamento de 1.779,61 millóns de euros, o que supuxo un incremento de 39,09 millóns con respecto a 2019, “dando mostra da capacidade de xestión e necesidade desta Mutualidade”, sinalou o secretario de Estado.

 

Plan MUFACE Avanza 2020-2023

O Consello aprobou as liñas estratéxicas da Mutualidade, recollidas no Plan Avanza de MUFACE 2021-2023, e que foron presentadas pola directora xeral da Mutualidade, Myriam Pallarés.

O Plan Avanza de MUFACE 2021-2023 recolle as liñas estratéxicas da Mutualidade para o próximo trienio e entre os obxectivos prioritarios figuran a proximidade ao colectivo, afianzar unha cultura centrada nas persoas, avanzar na dixitalización dos procesos, impulsar a innovación, a calidade, a transparencia e a rendición de contas, así como dar maior relevancia á sustentabilidade e responsabilidade social.

O Consello deu o seu visto e prace ao desenvolvemento deste plan, así como ao Plan de Actuación Anual 2021.

 

Balance positivo do ano

Na súa intervención, Hernández Spínola repasou as principais actuacións da Mutualidade durante este exercicio, centradas principalmente en conter a expansión da Covid-19 sen deixar de atender en todo momento ás persoas mutualistas, “un labor que merece un agradecemento especial a todos os servizos provinciais, que tramitaron xestións de maneira presencial a máis de 208.000 mutualistas só entre xuño e novembro deste ano”.

Entre os logros da Mutualidade en 2020, Hernández Spínola subliñou a implantación da receita electrónica para mutualistas de opción pública en todas as comunidades autónomas, e proximamente en Ceuta e Melilla, coa xestión de INGESA. “Trátase dun gran paso que se complementa, ademais, coa interoperabilidade desta receita, que xa é un feito en dez comunidades autónomas”, destacou Hernández Spínola.

Canto á receita electrónica concertada, o proxecto  avanza segundo a planificación de MUFACE, e neste momento a xestión da receita xa é electrónica nun 50 % na comunidade autónoma de Cantabria, lugar no que se está desenvolvendo o programa  piloto.

O secretario de Estado subliñou así mesmo a importancia da implantación da cita previa en todas as oficinas, 28 das cales xa dispoñen do sistema de solicitude por medio da sede electrónica ou a través do teléfono 060, ao que se poden solicitar tamén os talonarios de receitas.

MUFACE puxo en marcha 70 medidas que reflectían a súa clara vontade de resposta e rápida actuación ante a situación xerada pola pandemia.

70 medidas en distintos grupos: medidas de información para garantir ao colectivo mutualista e ás súas persoas beneficiarias unha adecuada comunicación sobre a situación e as medidas adoptadas; medidas de organización do traballo e implantación adecuada do teletrabajo, garantindo a continuidade dos servizos; medidas de adaptación das prestacións á situación de pandemia, mellorándoas cando se viu necesario; e medidas fundamentais de coordinación entre MUFACE, comunidades autónomas e organismos, tanto privados como públicos.

Ademais, implementáronse outras medidas (máis de 90) que pon en valor a capacidade de MUFACE para responder de maneira áxil, eficaz e eficiente ás súas mutualistas.

 

Menos reclamacións

Outro dato apuntado por Hernández Spínola foi o descenso do número de reclamacións presentadas polas persoas mutualistas durante a pandemia. Entre os meses de marzo a novembro presentáronse 1.055 reclamacións, fronte ás 1.269 do mesmo período do exercicio anterior. Delas, 233 referíanse a probas diagnósticas pola Covid-19, esta cifra supón un 0,01%.

Como dato de interese, cabe sinalar que as entidades concertadas realizaron entre o 1 de marzo e o 30 de novembro de 2020, un total de 129.908  probas diagnósticas ás persoas mutualistas, relacionadas coa Covid 19. No caso do Igualatorio Médico de Cantabria, as probas son realizadas polo Servizo Cántabro de Saúde, segundo convenio, por tanto, os seus datos non se inclúen.

As probas inclúen PCRs e antígenos tanto en atención ambulatoria como en urxencias no caso de existencia de síntomas, dado que as probas por contacto estreito son competencia de saúde pública de cada comunidade autónoma.

Destaca ademais o feito de que as entidades puxeron en marcha canles rápidas para solicitar probas Covid (PCR, antígenos, etc.…) a condición de que exista sintomatología.

Os datos nacionais do Ministerio de Sanidade engloban todas as probas realizadas por saúde pública e inclúen tanto as sanitarias como as epidemiolóxicas, sen que sexa posible extrapolar os datos ao ámbito do mutualismo.

 

Enquisa de satisfacción

Doutra banda, Hernández Spínola referiuse a a recente enquisa de satisfacción realizada por MUFACE aos seus mutualistas, que maioritariamente valoran favorablemente a xestión durante a pandemia. “Uns datos que avalan o balance positivo das actuacións da Mutualidade durante este difícil ano”, concluíu Hernández Spínola.

A enquisa revela que o 53,9% do colectivo  mutualista valora ben a prestación de servizos de MUFACE fronte a un 4,5% que a valora mal. O grao de satisfacción respecto da atención presencial que recibe no seu servizo provincial alcanza un 52,1% valóraa ben fronte a un 5,6% que a valora mal.

Canto á rapidez con que MUFACE xestiona as prestacións, un 48% de mutualistas valóraa ben fronte a un 4,1% mal. E a información que facilita MUFACE a través das súas canles (web, correo electrónico, redes sociais, etc.) é cualificada ben por un 52,2% fronte a un 4,7% que a cualifica mal.

A xestión de MUFACE durante a pandemia foi correcta e valorada ben polo 50,3% de mutualistas, fronte a un 17,95% que considera como mala a xestión.

En resumo, e como medidas de futuro,  o Consello deu o seu visto e prace ao desenvolvemento do Plan MUFACE avanza 2021-2023 así como ao Plan de Actuación Anual 2021. Unha sesión frutífera para pechar un ano que, sen dúbida, foi intenso para todos.