Novo avance no dereito a prestacións do SNS

Desde o pasado 10 de novembro, as mulleres sen parella, lesbianas e persoas transexuais que conserven a capacidade de xestar xa poden acceder á reprodución humana asistida en pé de igualdade en calquera comunidade autónoma e sen que supoña unha obxección a súa condición de mutualistas, xa sexan de opción pública ou concertada.

Así o contempla a nova Orde SND/1215/2021, do 5 de novembro, que vén substituír á que ata agora debía cumprir MUFACE  -a SSI/2065/2014, do 31 de outubro- cuxo criterios estaban orientados a aplicar ditas técnicas con fin terapéutico a persoas con trastornos da fertilidade ou a tratamentos en situacións especiais, ou con fin preventivo para previr a transmisión de enfermidades graves. A obrigada aplicación da norma determinaba que  non tivesen acceso ás técnicas de reprodución humana asistida algúns colectivos, como é o caso das mulleres sen parella ou as lesbianas, ou as persoas transexuais que conservan a capacidade de xestar.

Unha reivindicación civil e científica

A sociedade civil e científica veu reivindicando de forma activa a extensión deste dereito,  de modo que nalgúns casos as comunidades autónomas que quixeron paliar as repercusións desta exclusión habían ido facilitando as mencionadas técnicas a estes colectivos como prestación complementaria. Con todo, MUFACE seguía vinculada á normativa xeral do Ministerio de Sanidade; é dicir, aos criterios básicos e xenerais da carteira de servizos do SNS.

Novas condicións de acceso e máis equidade

A xa vixente Orde SND/1215/2021, do 5 de novembro  actualiza o anexo III do Real Decreto 1030/2006, do 15 de setembro, en relación coas técnicas de reprodución humana asistida, co fin de proporcionar seguridade xurídica e equidade no acceso a ditas técnicas por parte dos diferentes colectivos xa mencionados incluíndoos expresamente.

Dado que a norma xa entrou en vigor, e respecto dos e as mutualistas de concertada, as entidades están obrigadas a financiar estes tratamentos ás mulleres sen parella, persoas transexuais que conservan a capacidade de xestar e mulleres lesbianas. A Mutualidade deberá financiar os tratamentos farmacolóxicos asociados aos este ciclos de reprodución humana asistida nos termos considerados pola nova orde. A única condición é que os tratamentos fosen prescritos desde a entrada en vigor da nova Orde Ministerial: a partir do 10 de novembro.

Esta ampliación do acceso á reprodución humana asistida, que supón un importante avance no cumprimento do principio de igualdade en as  prestacións do SNS, queda xa incorporada no ámbito de MUFACE para todas as persoas mutualistas.